Riba 22 y 24 di mei a tuma lugar e Campeonato Naccional 2009 riba pista di Street Wise. E careda tabata un exito rotundo mirando e cantidad di inscripcion y un publico cu a asisti na a careda. Un total di 62 atleta a participa na e campeonato den un total di 15 categoria.

Aruba Wieler Bond seccion BMX ta gradici tur club, coredor y fanatico pa nan participacion den e evento aki, tambe un danki special na tur voluntario cu a hasi e evento aki posible.

Click Read More pa e resultado completo di e evento.

Nos ta bisa te despues na Road Bike y yama bonbini na e temporada di Mountain Bike! 

Diadomingo, 23 di november 2008 ultimo, tabata tin e transicion di temporada  di ciclismo. Den un careda rond Aruba cu ta inicia riba Roadbike di Arashi te Boca Grandi San  Nicolas, pa eynan cambia riba mountainbike y core e costa parti Noord bek te na Arashi, simbolicamente a celebra e cambio di temporada.  Den clima sumamente apto pa careda di bicicleta, cu plasnan di awa, lodo y caminda desafiante pa e  amantenan di mountainbike, e temporada a ranca  sali. Pa e hobennan tabata tin un careda di  mountainbike tras di faro. mas cu 60 ciclista, incluyendo mucha y adulto, a participa den e evento aki, mustrando asina e interes grandi den ciclismo aki na Aruba.

Ciclistanan dedica di Aruba a competi e fin di siman aki pa e codiciado titulo di Campeon Nacional di Aruba. Aruba Wieler Bond (AWB) a tene su campeonato annual di Road Bike, unda test competidornan riba un circuito di Time Trial na Eagle como tambe riba un rigoroso, montañoso subidanan atraves di Sombre y Kadushi Largo. Na final e ganadornan a keda consistente den nan esfuerso unda e titularnan den ambos categoria (TT y den e circuito mas largo di ruta) bayendo pa George Winterdal den Elite A, Lucien Dirksz den Elite B, Axel Werleman den Juniors, Adolfo Gomes den pre-Juniors, Fabio Sanchez den Submasters, Albert Raven den Masters, y den division femenino pa Doreen Kralick.